وزیراعلیٰ پنجاب مریم نوازکی پنجاب انسٹی ٹیوٹ آف کارڈیالوجی لاہورآمد،بزرگ مریض سے پنجابی میں گفتگو

لاہور(کھوج نیوز) وزیر اعلیٰ پنجاب مریم نوازشریف کی پنجاب انسٹی ٹیوٹ آف کارڈیالوجی لاہور آمد
وزیر اعلیٰ مریم نواز شریف نے ایمرجنسی وارڈ کا تفصیلی دودہ کیا۔ وزیر اعلیٰ مریم نواز شریف نے ٹرائیج ایریا میں مریضوں کی آمد اور علاج کے آغاز کے سسٹم کا مشاہدہ کیا،علاوہ ازیں وزیر اعلیٰ مریم نواز شریف
نے ائیر ایمبولینس پیشنٹ وارڈ کا معائنہ کیا،اور بہاولپور سے ائیر ایمبولینس پر منتقل ہونے والے مریض امجد علی کی عیادت بھی کی جہاں پر ہارٹ پیشنٹ امجد علی کا ائیر ایمبولینس سروس کے اجرا پر وزیر اعلیٰ کو ازراہ عقیدت سلام اور ڈھیروں دعائیں دیں جس پر وزیراعلیٰ پنجاب کا کہنا تھا کہ ائیر ایمبولینس سروس عوام کا حق ہے۔ کسی پر احسان نہیں ۔ انھوں نے مریض کی جلد صحتیابی کی دعا کی۔

بعد ازاں وزیر اعلیٰ مریم نواز شریف نے ایمرجنسی وارڈ میں زیر علاج مریضوں کی عیادت کی، وزیر اعلیٰ مریم نواز کی مریضوں اور تیمارداروں سے بات چیت کی اور ان کو درپیش، مسائل کے فوری حل کا حکم جاری کیا۔ ایک موقع پر وزیر اعلیٰ مریم نواز شریف کی بزرگ مریض غلام فرید سے گفتگو کرتے ہوئے پنجابی میں دریافت کیا کہہ حال اے کتھوں آئے او جس پر بزرگ مریض نے انھیں بتایا کہ وہ فلان شہر سے علاج کے لئے لاہور آئے ہیں۔ وزیر اعلیٰ مریم نواز شریف ایمرجنسی وارڈ کے پاس بزرگ میاں بیوی کو دیکھ کر رک گئیں وزیر اعلیٰ مریم نواز شریف کی خوشی محمد کے فوری علاج کی ہدایت بھی دی۔ بزرگ مریض کو ایمرجنسی میں فوری طور پر وہیل چیئر مہیا نہ کرنے پر اظہارِ ناپسندیدگی کیا۔

وزیر اعلی مریم نواز شریف بعد ازاں وارڈ میں بزرگ مریض خوشی محمد کے پاس پہنچ گئیں اور علاج کاخود مشاہدہ کیا وزیر اعلیٰ مریم نواز شریف نےسیکورٹی اہلکا رو ں کو مریضوں کی آمد و رفت میں مداخلت سے سختی سے روک دیا پی آئی سی کے ایگزیکٹو ڈائریکٹر نے وزیراعلیٰ پنجاب کو ری ویمپنگ پلان اور دیگر امورپر تفصیلی بریفنگ دی
وزیر اعلیٰ مریم نواز شریف کا عوام کےلئے پریشانی کا سبب بننے والے اور بدعنوان عناصر کے خلاف حتمی کارروائی کا حکم دے دیا۔ وزیراعلیٰ مریم نواز نے پی آئی سی میں انتظامی بہتری کے لئے جنگی بنیادوں پر انتظامی اقدامات کی ہدایت بھی جاری کردیں۔مریم نواز شریف نے اس موقع پر کہا کہ عوام کو مافیاز کے رحم وکرم پر نہیں چھوڑ سکتے ۔
وزیر اعلیٰ مریم نواز کی پی آئی سی پر مریض کا رش کم کرنے کیلئے پی آئی سی ٹو کی جلد تکمیل کی ہدایت کے ساتھ ساتھ پی آئی سی ٹو میں انتظامی سربراہ کی فوری تعیناتی کا حکم دیا اور پی آئی سی ٹو میں جدید اور بہترین مشینری اور کیتھ لیب مہیا کرنے کی ہدایت بجی جاری کردی۔