صدر مملکت نے مدارس رجسٹریشن بل پر دستخط کیوں نہیں کیے؟ فضل الرحمن تڑپ اٹھے

اسلام آباد (کھوج نیوز) صدر مملکت آصف علی زرداری نے مدارس رجسٹریشن بل پر ابھی تک دستخط کیوں نہیں کیے؟ اس حوالے سے اندرونی کہانی سامنے آنے کے بعد سب حیران رہ گئے۔

تفصیلات کے مطابق صدر مملکت آصف علی زرداری نے تاحال مدارس رجسٹریشن بل پر دستخط کیوں نہ کیے اس حوالے سے جو تفصیلات سامنے آئی ہیں ان کے مطابق صدرمملکت نے مدارس کی رجسٹریشن کے حوالے سے پہلے سے موجود قوانین کا حوالہ دیا ہے۔انہوں نے پاکستان مدرسہ ایجوکیشن بورڈ آرڈیننس 2001 اوراسلام آباد کیپٹیل ٹیریٹوری ٹرسٹ ایکٹ 2020 کا حوالہ دیا ہے۔

ان کا کہنا تھا کہ دونوں ایکٹس کی موجودگی میں نئی قانون سازی ممکن نہیں ہو سکتی،سوسائٹیز رجسٹریشن ایکٹ 1860 اسلام آباد کی حدود میں نافذ العمل ہے۔ نئی ترامیم کا اطلاق محض اسلام آباد میں ہونے کے حوالے سے کوئی شق بل میں شامل نہیں،مدارس کو بحیثیت سوسائٹی رجسٹر کرانے سے ان کا تعلیم کے علاوہ استعمال بھی کیا جا سکتا ہے۔ نئے بل کی مختلف شقوں میں مدرسے کی تعریف میں تضاد موجودہے،سوسائٹیز رجسٹریشن ایکٹ 1860 کے ابتدائیہ میں مدرسے کا ذکر موجود نہیں،نئے بل میں مدرسہ کی تعلیم کی شمولیت سے 1860 کے ایکٹ کے ابتدائیہ کے ساتھ تضاد پیدا ہو گا۔