مدارس کا معاملہ، متفقہ بل پارلیمنٹ کے مشترکہ اجلاس میں پیش کیے جانیکا امکان

اسلام آباد(کھوج نیوز) مدارس کے معاملے پر متفقہ بل کل پارلیمنٹ کے مشترکہ اجلاس میں پیش کیے جانیکا امکان ہے جبکہ حکومت کا مؤقف ہے کہ مدارس کا معاملہ انتہائی خوش اسلوبی سے حل کیا جائیگا۔

تفصیلات کے مطابق سینیٹر عرفان صدیقی نے کہا ہے کہ مدارس کا معاملہ انتہائی خوش اسلوبی سے حل کی طرف جا رہا ہے، حکومت کے مولانا فضل الرحمان اور متبادل نقطہ نظر پیش کرنے والے علما سے رابطے ہیں۔ دوسری جانب گورنرسندھ کامران ٹیسوری، ایم کیوایم رہنما خالد مقبول اور فاروق ستار کی مولانا فضل الرحمان سے کل شام 4 بجے ملاقات ہوگی۔ ملاقات میں دینی مدارس رجسٹریشن بل سمیت دیگر قومی و پارلیمانی امور پر بات چیت ہوگی۔