اڈیالہ جیل میں داخلے سے کیوں روکا؟ بانی پی ٹی آئی کے وکیل فیصل چوہدری آپے سے باہر’ بدتمیزی پر اتر آئے

راولپنڈی (کھوج نیوز) اڈیالہ جیل میں داخلے سے کیوں روکا؟ پاکستان تحریک انصاف کے بانی عمران خان کے وکیل فیصل چوہدری آپے سے باہر ہو گئے اور بدتمیزی پر اتر آئے ہیں۔

تفصیلات کے مطابق اڈیالہ جیل کے گیٹ پر روکنے پر فیصل چوہدری اور جیل عملے میں تلخ کلامی ہوئی۔ جیل میں داخل ہونے سے روکے جانے پر فیصل چوہدری غصے میں آگئے ان کی جیل اہلکار سے تلخ کلامی ہوئی اور انہوں نے گالیاں بھی دیں۔ اس حوالے سے فیصل چوہدری کا کہنا تھا کہ آج 9 مئی جی ایچ کیو کیس کی سماعت مقرر تھی ، انہیں2 گھنٹے تک ڈپٹی سپرنٹنڈنٹ جیل کے کمرے میں حبسِ بے جا میں رکھا گیا اور جیل کا عملہ انہیں ہراساں کرتا رہا۔ اڈیالہ جیل چوکی نے جیل عملے کے خلاف کارروائی کی درخواست فیصل چوہدری سے وصول کرلی ہے۔