پاکستان
عمران خان کا تیسرا خط، آرمی چیف کا ردعمل، نئی بحث کا آغاز
مجھے کسی کا کوئی خط نہیں ملا، خط ملا بھی تو نہیں پڑھوں گا، اگر کوئی خط ملا تو وزیراعظم کو بھجوادوں گا' ملک بہت اچھے انداز سے آگے بڑھ رہا ہے: آرمی چیف جنرل عاصم منیر
اسلام آباد (کھوج نیوز) پاکستان تحریک انصاف کے بانی عمران خان کے تیسرے خط پر آرمی چیف جنرل عاصم منیر کا ردعمل سامنے آنے کے بعد ملک بھر میں نئی بحث کا آغاز ہوگیا ہے۔
تفصیلات کے مطابق وزیراعظم ہاؤس میں ترک صدر کے اعزاز میں دیئے گئے ظہرانے میں آرمی چیف جنرل عاصم منیر نے کہا کہ مجھے کسی کا کوئی خط نہیں ملا، خط ملا بھی تو نہیں پڑھوں گا، اگر کوئی خط ملا تو وزیراعظم کو بھجوادوں گا۔ آرمی چیف نے کہا کہ ملک بہت اچھے انداز سے آگے بڑھ رہا ہے، پاکستان میں ترقی ہورہی ہے۔ آرمی چیف کا کہنا تھا کہ پاکستان آگے بڑھ رہا ہے اور پاکستان کو آگے بڑھنا ہے۔
