پاکستان سے پہلی حج پرواز کب روانہ ہو گی؟اور کتنے پاکستانی حجاج مقد س جائیں گے

لاہور(کھوج نیوز) وزارت مذہبی امور کے مطابق پاکستان سے پہلی حج پرواز یکم مئی کو سعودی عرب کیلئے روانہ ہوگی، حج آپریشن 30 روز تک جاری رہے گا، آخری پرواز 30 مئی کو روانہ ہوگی۔تفصیلات کے مطابق حج پروازوں کا شیڈول 10 اپریل تک جاری کیے جانے کی توقع ہے، پی آئی اے، سعودی ایئر لائن سمیت 5 ایئر لائنز حج آپریشن میں حصہ لیں گی۔

سرکاری اسکیم کے تحت تقریبا 89 ہزار پاکستانی عازمین حجاج مقدس جائیں گے، سال رواں ایک لاکھ 79 ہزار 210 پاکستانی عازمین فریضہ حج ادا کریں گے۔

پاکستان میں سرکاری اسکیم کے تحت حج اخراجات 11 لاکھ روپے سے زائد ہیں جبکہ پرائیویٹ حج اخراجات 25 لاکھ روپے سے زائد تک ہیں۔