امریکی صدر ٹرمپ کی آشیر واد،ورلڈ بینک پاکستان میں کتنے ارب کی سرمایہ کاری کرے گا؟

اسلام آباد(کھوج نیوز) امریکی صدر ٹرمپ کی آشیر واد،ورلڈ بینک پاکستان میں کتنے ارب کی سرمایہ کاری کرے گا؟رپورٹس کے مطابق ورلڈ بینک پاکستان کو 20ارب ڈالرز کا قرض اور 20 ارب ڈالرز کی سرمایہ کاری کرے گا ۔وزارت اقتصادی امور نے عالمی بینک کے کنٹری پارٹنر شپ فریم ورک پر جامع عملدرآمد کیلیے کام شروع کردیا، جس کے تحت عالمی بینک نے پاکستان کو 2026 سے 2035 تک 40 ارب ڈالر فراہم کرے گا۔ اقتصادی امور ڈویژن کے حکام کا کہنا ہے کہ عالمی بینک نے پہلی بار 5 کے بجائے 10 سال کا فریم ورک تیار کیا۔
دستاویز کے مطابق پہلے مرحلے میں عالمی بینک پاکستان کو 20 ارب ڈالر کا قرض فراہم کرے گا۔ یہرقم تعلیم، صحت، ماحولیاتی تبدیلی،صاف توانائی اور بہتر ایئرکوالٹی کیلیے استعمال ہوگی۔نجی سرمایہ کاری میں اضافے اور شمولیتی ترقی کے منصوبے بھی پلان میں شامل ہیں۔ انٹرنیشنل فنانس کارپوریشن کے تحت مزید 20 ارب ڈالر کی نجی سرمایہ کاری کا پلان بھی ہے، کنٹری پارٹنرشپ فریم ورک حکومتی ترجیحات اور اڑان پاکستان پلان کے مطابق ہے۔