ایرانی صدر کا دورہ پاکستان، نواز شریف اور مریم نواز سے ملاقات

لاہور(کھوج نیوز) ایران کے صدر مسعود پزشکیان اپنے پہلے سرکاری دورے پر پاکستان پہنچ گئے ہیں ان کا استقبال مسلم لیگ ن کے صدر میاں نوازشریف اور وزیراعلیٰ پنجاب نے کیا۔

تفصیلات کے مطابق ایرانی صدر نے ن لیگ کے صدر نواز شریف سے ملاقات بھی کی، اس موقع پر مریم نواز بھی موجود تھیں۔ بعدازاں مسعود پزشکیان نے لاہور میں مزار اقبال پر حاضری دے کر حکیم الامت کو خراج عقیدت پیش کیا۔ انہوں نے مزار اقبال پر فاتحہ خوانی کی اور مہمانوں کی کتاب میں تاثرات قلمبند کر کے علامہ اقبال کی شاعری، فلسفے اور امت کے احیا کے پیغام کو خراج تحسین پیش کیا۔ وزیراعلیٰ پنجاب مریم نواز لاہور ایئرپورٹ اور مزار اقبال پر ایرانی صدر کے ساتھ موجود رہیں۔ ایرانی صدر مسعود پزشکیان لاہور میں مختصر قیام کے بعد اسلام آباد پہنچ گئے جہاں وزیراعظم شہباز شریف نے ان کا استقبال کیا۔