نصیر آباد (کھوج نیوز) نوتال کے قریب جعفر ایکسپریس پر راکٹ حملہ کیا گیا جس کے بعد سکیورٹی فورسز نے جارحانہ انداز میں جوائی کارروائی کی جس کے بعد حملہ آور موقع سے فرار ہونے میں کامیاب ہوگیا۔
تفصیلات کے مطابق پولیس حکام نے بتایا ہے کہ کوئٹہ سے پشاور جا رہی جعفر ایکسپریس پر نوتال کے قریب راکٹ حملہ ہوا ، حملے میں کسی جانی نقصان کی اطلاع نہیں ملی۔پولیس حکام نے بتایا ہے کہ جعفرآباد ایکسپریس بحفاظت ڈیرہ مراد جمالی پہنچ گئی ہے۔ پولیس حکام کا کہنا ہے کہ حملے کے بعد سکیورٹی فورسز نے جوابی کارروائی کی تاہم حملہ آور فرار ہوگئے۔ پولیس حکام کے مطابق حملے کے بعد علاقے میں سکیورٹی فورسز کا سرچ آپریشن جاری ہے ۔
