لاہور (کھوج نیوز) مسلم لیگ ن کے صدر میاں نوازشریف کا پاکستان تحریک انصاف کے بانی عمران خان دور حکومت میں مہنگائی 39فیصد پر جانے کا دعویٰ غلط نکلا، جس کے بعد ایک نئی بحث شروع ہو گئی۔
تفصیلات کے مطابق مسلم لیگ ن کے قائد نواز شریف کی جانب سے عمران خان دور میں مہنگائی کے اعداد و شمار کو غلط قرار دیتے ہوئے تحریک انصاف نے جوابی اعداد و شمار پیش کر دیے۔ تحریک انصاف کے سوشل میڈیا اکاؤنٹ پر جاری بیان میں کہا گیا ہے کہ "فارم 47 پر بنے ایم این اے نواز شریف کی آج پھر لانچنگ ہوئی اور اس شخص نے پھر غلط بیانی کی۔ 39فیصد شرح مہنگائی مئی 2023 میں پہنچی تھی تب پی ٹی ائی کی حکومت گئے ایک سال سے زیادہ عرصہ ہو چکا تھا۔ شہباز شریف تب قائد کے مشوروں سے حکومت چلا رہے تھے۔ ایک دو بار تو قائد پیٹرول مہنگا ہونے پر کمرے سے بھی نکل گئے تھے لیکن پھر غائب ہوگئے”۔
