اسلام آباد(کھوج نیوز) فیڈرل بورڈ آف ریونیو (ایف بی آر) کی نااہلی کھل کر سامنے آگئی ہے کیونکہ ایف بی آر ماہ نومبر میں ٹیکس وصولی کا ہدف حاصل کرنے میں بری طرح ناکام رہی ہے۔
تفصیلات کے مطابق ایف بی آر ذرائع کا کہنا ہے کہ نومبر میں ایک ہزار 34 ارب روپے ہدف کے مقابلے میں ٹیکس وصولی878 ارب روپے ہوسکی ہے اور اس طرح نومبر کا ٹیکس وصولی میں کا شارٹ فال 156 ارب روپے رہا۔ ذرائع کے مطابق رواں مالی سال کے پہلے 5 ماہ میں ٹیکس وصولی5083 ارب ہدف کے مقابلے میں 4715 ارب روپے رہی اور رواں مالی سال کے پہلے 5 ماہ میں مجموعی طور پر413 ارب روپے شارٹ فال کا سامنا ہے۔ ذرائع کا کہنا ہے کہ ایک دن میں شارٹ فال میں تقریبا ً5 ارب روپے کمی متوقع ہے اور دسمبر میں ٹیکس وصولی کا ہدف 1406 ارب روپے مقرر ہے۔
