چنکی پانڈے نے شاہ رخ خان اور گوری خان کے متعلق چونکا دینے والا انکشاف کر ڈالا

ممبئی (شوبز ڈیسک) بالی ووڈ اداکار چنکی پانڈے نے بھارت کے کنگ خان شاہ رخ خان اور ان کی اہلیہ گوری خان کے متعلق چونکا دینے والا انکشاف کر کے ہر طرف تھرتھرلی مچا دی ہے۔

انٹرنیشنل میڈیا رپورٹ میں بتایا گیا ہے کہ چنکی پانڈے نے شاہ رخ کے ماضی کے بارے میں بات کرتے ہوئے انکشاف کیا کہ ایک ایسا بھی وقت تھا جب شاہ رخ اپنی اہلیہ کے ساتھ کرائے کے مکان میں رہتے تھے۔ چنکی پانڈے کا کہنا تھا کہ میرے چھوٹے بھائی شاہ رخ کے اس وقت کے گہرے دوستوں میں سے ایک ہیں جب وہ ممبئی آئے تھے، اس وقت شاہ رخ اور گوری ایک کرائے کے مکان میں رہتے تھے اور دونوں میرے بھائی سے ملنے ہمارے گھر آتے تھے جہاں سب ایک ساتھ بیٹھ کر ویڈیو کیسٹس دیکھتے تھے۔ اداکار نے مزید کہا کہ مجھے ہمیشہ سے یقین تھا کہ شاہ رخ خان سپر اسٹار بن جائیں گیکیونکہ ان میں سپر اسٹار بننے کیلئے ایک آگ تھی جو آپ دیکھ سکتے تھے، وہ بہت پر اعتماد ہیں، مجھے فخر ہے کہ میں اسے تب سے جانتا ہوں اور وہ آج بھی نہیں بدلا۔