ضمنی انتخابات، سکیورٹی انتظامات سول آرمڈ فورسز اور پاکستانی آرمی کے سپرد

لاہور(کھوج نیوز) ملک بھر میں ہونے والے ضمنی انتخابات میں سکیورٹی کے سخت انتظامات کا فیصلہ کیا گیا ہے جس کے بعد سکیورٹی انتظامات سول آرمڈ فورسز اور پاکستانی آرمی کے سپرد کرنے کا اعلان کر دیا گیا ہے۔

تفصیلات کے مطابق وفاقی حکومت کی جانب سے منظوری کے بعد وزارت داخلہ نے سول آرمڈ فورسز اور پاکستان آرمی کے دستے تعینات کرنے کے احکامات جاری کر دیئے ۔ اعلامیے کے مطابق سول آرمڈ فورسز اور پاکستان آرمی کے دستے کوئیک رسپانس فورس کے طور پر استعمال ہوں گے، سول آرمڈ فورسز اور پاکستان آرمی کے دستے دوسرے اور تیسرے حصار کے طور پر استعمال ہوں گے۔ اعلامیے میں کہا گیا ہے کہ سول آرمڈ فورسز اور پاکستان آرمی کے دستے آج سے 22 اپریل تک 21 حلقوں میں دستیاب ہوں گے۔