میں کوئی چڑیل ہوں یا کالا جادو کرتی ہوں،بالی ووڈ ایکٹرس ریا چکرورتی نےخدشہ ظاہرکردیا

ممبئی(شوبز ڈیسک)میں کوئی چڑیل ہوں یا کالا جادو کرتی ہوں،بالی ووڈ ایکٹرس ریا چکرورتی نےخدشہ ظاہرکردیا۔اداکارہ ریا نے حال ہی میں معروف اداکارہ سشمیتا سین کی پوڈ کاسٹ میں انٹرویو دیا ہے۔ ریا چکرورتی نے انٹرویو کے دوران بتایا کہ کیسے سشانت سنگھ راجپوت کی موت کے بعد اُن کی زندگی مکمل طور پر بدل چکی ہے۔ پوڈ کاسٹ، ’چیپٹر 2‘ کی پہلی مہمان بننے والی اداکارہ ریا نے انٹرویو کے دوران انکشاف کیا ہے کہ میں مذاق میں بھی اگر کہہ دیتی ہوں کہ میرے پاس سپر پاورز ہیں تو لوگ سمجھنے لگتے ہیں کہ میں کالا جادو کرتی ہوں۔

اُن کا کہنا تھا کہ میں اکثر کہتی ہوں کہ میں کسی کمرے میں داخل ہو کر اُسے مکمل طور پر ہلا سکتی ہوں، یہ سن کر آدھے لوگ سوچتے ہیں کہ میں کوئی چڑیل ہوں یا کالا جادو کرتی ہوں جبکہ کچھ لوگ کہیں گے میں ایک مضبوط لڑکی ہوں۔ پوڈ کاسٹ کے دوران اداکارہ کا مزید کہنا تھا کہ میں اب فلموں میں کام نہیں کر رہی ہوں کہ کیوں کہ میری شہرت کی وجہ سے اب مجھے فلموں میں کام نہیں دیا جاتا ہے، لوگ میری خراب شہرت کی وجہ سے مجھے ڈرتے ہیں اور اپنی فلموں میں کاسٹ نہیں کرتے۔