ایشوریا رائے اور ابھیشیک بچن کی شادی پر دعوت نہ دینے پر کونسی ہی اداکارہ ناراض ہوئی؟ پتا چل گیا

ممبئی (شوبز ڈیسک) بالی وڈ اسٹارز ایشوریا رائے اور ابھیشیک بچن 20 اپریل 2007ء کو ممبئی میں اپنی خاندانی رہائش گاہ پرتیکشا میں رشتہ ازدواج میں بندھے تھے شادی پر دعوت نہ دینے پر کونسی اداکارہ ناراض ہوئی؟

تفصیلات کے مطابق میڈیا رپورٹس میں بتایا گیا ہے کہ اداکارہ رانی مکھرجی بالی ووڈ فلمز بنٹی اور ببلی، یووا اور کبھی الوداع نا کہنا جیسی معروف فلموں میں ابھیشیک بچن کے ساتھ کام کرچکی ہیں لیکن اس کے باوجود رانی مکھرجی کو ایشوریا ابھیشیک کی جانب سے شادی کی دعوت نہیں دی گئی۔ بعد ازاں ایک فلم فیئر انٹرویو میں ابھیشیک ایشوریا کی شادی کی دعوت نہ دیئے جانے پر رانی نے ناراضی کا اظہار کرتے ہوئے کہا تھا کہ آپ کو دھوکا ہو سکتا ہے کہ آپ کسی کے دوست ہیں لیکن شاید یہ دوستی صرف سیٹ پر ایک معاون اداکار ہونے تک ہی محدود ہوتی تھی۔

شادی پر نہ بلائے جانے پر رانی مکھرجی نے کہا تھا کہ صرف ابھیشیک ہی اس پر روشنی ڈال سکتے ہیں کہ مجھے شادی کی دعوت کیوں نہیں دی گئی، سچ یہ ہے کہ اگر کوئی شخص آپ کو اپنی شادی کی دعوت نہ دے تو آپ کو اپنی اہمیت کا اندازہ ہوتا ہے کہ آپ اس شخص کی زندگی میں کہاں کھڑے ہیں، اس سے کوئی فرق نہیں پڑتا، یہ بہت واضح ہے کہ ہم صرف فلمز میں ساتھی اداکار تھے، دوست نہیں۔ اداکارہ نے مزید کہا تھا کہ اب اس غریب آدمی کی شادی کو کئی سال ہو چکے لہٰذا اب ہم سب کو آگے بڑھنا چاہیے، میری ابھیشیک کے ساتھ کام کے دوران ہمیشہ اچھی یادیں موجود ہیں۔