شوبز
اداکارہ نازش جہانگیر کو بڑی خوشخبری مل گئی
لاہور کی مقامی عدالت نے پچیس لاکھ روپے اور گاڑی واپس نہ کرنے کے استغاثہ کیس میں اداکارہ نازش جہانگیر کے وارنٹ گرفتاری منسوخ کردیے
لاہور(شوبز ڈیسک)کینٹ کچہری لاہور کے جوڈیشل مجسٹریٹ غلام شبیرسیال نے استغاثہ کیس کی سماعت کی،عدالتی حکم پرنازش جہانگیر اپنے وکیل بیرسٹرحارث کے ہمراہ عدالت ک کے روبروپیش ہوئیں،عدالت نے اداکارہ نازش جہانگیرکے ورانٹ گرفتاری منسوخ کردیے۔عدالت نے پچاس ہزار روپے مچلکوں کے عوض ورانٹ گرفتاری منسوخ کیے ۔
عدالت نے کیس کی مزید کاروائی 28اپریل تک ملتوی کردی،اداکارہ نازش جہانگیر کیخلاف اداکار ہارون اسودکی جانب سے پچیس لاکھ روپیاورگاڑی واپس نہ کرنے کا استغاثہ دائر ہے۔ کینٹ کچہری نے عدم پیشی پر اداکارہ نازش جہانگیر کے ناقابل ضمانت وارنٹ گرفتاری جاری کیے تھے۔
