خیبرپختونخوا میں ناقص دودھ کی بھرمار، شہری مختلف بیماریوں میں مبتلا ہونے لگے

پشاور(کھوج نیوز) خیبرپختونخوا میں ناقص دودھ کی بھرمار ہونے کی وجہ سے شہری مختلف بیماریوں میں مبتلا ہونے لگے ہیں جس کی بناء پر حکومت نے فروخت ہونیوالے دودھ کے نمونہ جات اکٹھے کیے۔

تفصیلات کے مطابق خیبرپختونخوا کی فوڈ سیفٹی اور ہلال فوڈ اتھارٹی نے دودھ کا معیار چیک کرنے کیلئے خصوصی مہم چلائی اور یہ مِلک سیمپلنگ مہم 27 جون سے7 جولائی تک چلائی گئی۔اتھارٹی کے مطابق صوبے بھر سے 3 لاکھ 23 ہزار لیٹرز دودھ سے 583 نمونے لے کر تجزیہ کیا گیا۔ اتھارٹی نے بتایاکہ صوبے بھر میں دودھ کے 93 فیصد نمونے غیرتسلی بخش قرار پائے گئے۔ اتھارٹی کے مطابق تجزیاتی رپورٹ میں دودھ کے 541 نمونے غیرمعیاری اور مضرصحت پائے گئے۔ خیبرپختونخوا کی فوڈ سیفٹی اور ہلال فوڈ اتھارٹی نے صوبے میں دودھ کے 93 فیصد نمونوں کو غیرتسلی بخش قرار دے دیا۔