پنجاب میں سموگ نے تباہی مچا دی، ایک ماہ میں کتنے افراد سانس کے مرض میں مبتلا ہوئے؟ تشویشناک رپورٹ آگئی

لاہور(کھوج نیوز) پنجاب میں سموگ نے انت مچا دی ہے ، ایک ماہ کے دوران کتنے افراد سانس کے مرض میں مبتلا ہوئے؟ اس حوالے سے تشویشناک رپورٹ سامنے آگئی ہے۔

تفصیلات کے مطابق وزارت صحت کے مطابق دمے کے ایک لاکھ 19 ہزار اور دل کے 13 ہزار 773 مریض سامنے آئے۔ صرف نومبر کے 14 دنوں میں پنجاب بھر میں 7 لاکھ 7 ہزار 695 افراد پھیپھڑوں کی بیماریوں میں مبتلا ہوئے جبکہ دمے کے 47 ہزار 558 اور دل کے 5 ہزار 734 مریض رپورٹ ہوئے۔ اب سے کچھ دیر پہلے تک لاہور 637 ائیر کوالٹی انڈیکس کے ساتھ دنیا کے آلودہ ترین شہروں میں سرفہرست تھا جبکہ اسلام آباد 264 کے ساتھ دوسرے اور راولپنڈی 253 کے ساتھ تیسرے نمبر پر رہا۔