حکومت نے نئے کارواش اسٹیشنز بنانے پر پابندی لگادی،مگر کیوں؟

لاہور(کھوج نیوز) پنجاب حکومت نے نئے کار واش اسٹیشنز بنانے پر پابندی لگادی۔ محکمہ ماحولیات نے نوٹیفیکشن جاری کردیا، جس میں کہا گیا ہے کہ پنجاب میں پانی کی قلت، ممکنہ خشک سالی کے پیش نظر یہ فیصلہ کیا گیا ہے۔نوٹیفکیشن کے مطابق پابندی کی خلاف ورزی پر پاکستان پینل کوڈ کے تحت کارروائی ہوگی، نئے کار واش اسٹیشن بنانے پر پابندی کا عملدآمد فوری ہوگا۔

محکمہ ماحولیات کا کہنا ہے کہ پنجاب میں پانی کی قلت، ممکنہ خشک سالی کے پیش نظر یہ فیصلہ کیا گیا ہے، ایک گاڑی دھونے پر 400 لیٹر پانی ضائع ہوجاتا ہے، نئے سروس اسٹیشن خشک سالی کو مزید سنگین کرکے ماحولیاتی، سماجی اقتصادی مشکلات کا باعث بنیں گے۔