اسلام آباد(کھوج نیوز) حکومت کی جانب سے بڑا اعلان کیا گیا ہے جس کے مطابق ایک ماہ کے بجلی کے بل معاف کرنے کا فیصلہ کیا گیا ، جس کے بعد عوام میں خوشی کی لہر دوڑ گئی ہے۔
تفصیلا تکے مطابق ذرائع پاور ڈویژن کا کہنا ہے کہ حکومت نے سیلاب متاثرہ علاقوں میں رہنے والے افراد کے ماہ اگست کے بجلی کے بل معاف کر دیے ہیں۔ ذرائع پاور ڈویژن کے مطابق گھریلو صارفین کی تمام کیٹیگریز کے بل معاف کیے گئے ہیں، جو گھریلو صارفین اگست کے بل ادا کر چکے ان کے بل ایڈجسٹ کیے گئے ہیں۔ ذرائع پاور ڈویژن کا کہنا ہے کہ کمرشل و دیگر کیٹیگریز کے بل دسمبر تک مخر کیے گئے ہیں اور اگست کے مخر کیے گئے بل 6 ماہ کی اقساط میں وصول کیے جائیں گے۔
