ورلڈ کپ 2023ئ، نجم سیٹھی کا قومی ٹیم بھارت بھیجنے سے صاف انکار

اسلام آباد (سپورٹس رپورٹر، آن لائن ) پی سی بی کی مینجمنٹ کمیٹی کے چیئرمین نجم سیٹھی نے کہا ہے کہ پاکستان سپر لیگ (پی ایس ایل) نے پاکستان کرکٹ کو مالی استحکام فراہم کیا ہے اور 2023ء کے ورلڈ کپ سے اس کی ٹیم کی غیر موجودگی بورڈ کے مالیات کو بڑے پیمانے پر متاثر نہیں کرے گی۔

نجم سیٹھی نے اپنے خدشات کا اظہار کیا ہے کہ اگر بھارت نے ایشیا کپ کے لیے پاکستان کا دورہ کرنے سے انکار کر دیا تو ہو سکتا ہے کہ پاکستان کی حکومت قومی ٹیم کو ورلڈ کپ 2023ء شرکت کی اجازت نہ دے سکے۔نجم سیٹھی کا کہنا تھا کہ "ایشیا کپ میں حصہ لینے کے لیے ہندوستان کے پاکستان کا سفر کرنے سے انکار کی صورت میں، اس بات کے امکانات ہیں کہ پاکستان کی حکومت مین ان گرین کو ان کی ورلڈ کپ میں شرکت کے لیے سرحد پار کرنے کی اجازت نہیں دے گی۔اس صورت میں، کرکٹ کو سب سے زیادہ نقصان پہنچے گا”۔ نجم سیٹھی نے پاک بھارت کرکٹ تعطل کا ایک نیا حل تجویز کرتے ہوئے کہا کہ ایک ہائبرڈ ماڈل بنایا جائے جو ہندوستان کو غیر جانبدار مقامات پر میچ کھیلنے کی اجازت دے اور آئی سی سی اور اے سی سی کو ایونٹ کی بلاتعطل میزبانی کو یقینی بنائے۔

انہوں نے کہا کہ "مسائل کو حل کرنے کے لیے ایک درمیانی راستہ ہونا چاہیے جو آئی سی سی اور اے سی سی ایونٹس کی ہموار میزبانی کو یقینی بنائے۔ بھارت کی جانب سے ایشیا کپ کے لیے پاکستان کا سفر کرنے سے انکار کی صورت میں، حکومت ہمیں بھی ورلڈ کپ کے میچز دیکھنے کے لیے بھارت جانے کی اجازت نہ دے۔ انہوں نے اس بات پر زور دیا کہ پی ایس ایل نے پاکستان کی کرکٹ مالیات کو مستحکم کرنے میں اہم کردار ادا کیا ہے اور اس خیال کو مسترد کر دیا کہ 2023ء ورلڈ کپ سے غیر حاضری کی صورت میں پی سی بی کو بڑے پیمانے پر مالی نقصان اٹھانا پڑے گا۔انہوں نے کہا کہ ”پی ایس ایل نے ہمیں مالی فائدہ پہنچایا ہے اور ہمیں مالی طور پر مضبوط بنایا ہے۔ اگر کوئی مالی نقصان ہوتا ہے تو وہ دونوں بورڈز کا ہوگا”۔ ان کا مزید کہنا تھا کہ "ہم نے پہلے ہی اے سی سی کے ممبر ممالک کو ایک ہائبرڈ ماڈل کا خیال پیش کیا ہے جس کے تحت ہندوستان کو اپنے میچز اپنی پسند کے غیر جانبدار مقام پر کھیلنے کی اجازت دی جانی چاہئے۔ جب 2023ء کے ون ڈے ورلڈ کپ میں پاکستان کی شرکت کی بات آتی ہے تو ہم شاید اسی طرز کی پیروی کریں”۔ یاد رہے کہ آئی سی سی ورلڈ کپ اکتوبر،نومبر 2023ء میں بھارت میں منعقد ہونا ہے۔

ہنڈرڈ لیگ، بابر اعظم کو پک کیوں نہیں کیا گیا؟ بڑا سچ سامنے آگیا