بلے بازی کی دنیا میں انقلاب‘افغان اوپنرزنے ایسا کیا کردیا؟

لاہور(سپورٹس ڈیسک)ویسے تو بابر اعظم اور محمد رضوان کی جوڑی کے کرکٹ میں بہت چرچے رہے اور ہیں لیکن ان کو بھی بیٹ کرنے والے دو افغانی بیٹر متعارف ہو چکے ہیں جن میں سے ایک ہیں افغان اوپنر رحمان اللہ گرباز اوردوسرے ہیں ابراہیم زادران۔کرکٹ کے کھیل میں اگر سچ پوچھیں تو اس جوڑی نے پاکستانی کپتان بابراعظم اور محمد رضوان کی جوڑی کو پیچھے چھوڑ دیا ہے۔افغان اوپننگ جوڑی رواں ٹی20 ورلڈکپ ایڈیشن میں سب سے زیادہ پارٹرشپ رنز بنانے والی جوڑی بن گئی ہے، دونوں کھلاڑیوں نے بنگلا دیش کیخلاف سپر 8 میچ میں یہ ریکارڈ اپنے نام کیاہے۔

سال 2021 میں دبئی میں کھیلے گئے ورلڈکپ میں قومی ٹیم کے کپتان بابراعظم اور محمد رضوان چھائے رہے اور انہوں نے 411 رنز بطور پارٹنرز بنائے تھے جبکہ رواں ایڈیشن میں ابراہیم زدران اور رحمان اللہ گرباز نے 442 رنز کی پارٹنرشپ قائم کرکے ریکارڈ اپنے نام کیا۔افغان جوڑی ورلڈکپ کے ایک ایڈیشن میں 4 ففٹی پلس شراکت کرنے والی جوڑی بھی بن گئی ہے، دونوں کے درمیان 3 سنچریوں کی شراکت بھی رہی جو کہ ایک ورلڈ کپ ایڈیشن کا ریکارڈ ہے۔