گیری کرسٹن کا استعفیٰ، قومی ٹیم کی ون ڈے اور ٹی ٹوئنٹی ٹیم کا نیا ہیڈ کوچ کون ہوگا؟ نام سامنے آگئے

لاہور(سپورٹس ڈیسک) قومی کرکٹ ٹیم کے ون ڈے اور ٹی ٹوئنٹی ٹیم کے ہیڈ کوچ گیری کرسٹن کے استعفیٰ کے بعد نیا ہیڈ کوچ کون ہوگا؟ اس حوالے سے تمام نام سامنے آگئے ہیں۔

تفصیلات کے مطابق ذرائع نے بتایا ہے کہ گیری کرسٹن کے استعفے کے بعد نئے کوچ پر مشاورت کی گئی ہے اور سابق ٹیسٹ کرکٹر عاقب جاوید کے ساتھ معاملات آخری مراحل میں داخل ہوچکے ہیں۔ ذرائع کا بتانا ہے کہ آج بریک تھرو متوقع ہے اور حتمی فیصلہ عاقب جاوید کو کرنا ہے۔ خیال رہے کہ عاقب جاوید سلیکشن کمیٹی کے رکن ہیں اور لاہور قلندرز کے ہیڈکوچ اور ڈائرکٹرکرکٹ آپریشنز بھی رہ چکے ہیں۔ عاقب جاوید دورہ آسٹریلیا اور زمبابویکے لیے ہیڈکوچ کے مضبوط امیدوار ہیں۔

ذرائع کا بتانا ہے کہ چیئرمین پی سی بی محسن نقوی نے گیری کرسٹن کے روییکو دیکھتے ہوئے نئیکوچ کا ٹاسک دے دیا تھا۔ کچھ ذرائع کا یہ بھی کہنا ہے کہ آسٹریلیا سیریز میں عبوری ہیڈ کوچ کے لیے جیسن گلیسپی پہلی چوائس ہیں،گلیسپی کو آسٹریلیاکے خلاف ون ڈے اور ٹی ٹوئنٹی میچزکی اضافی ذمہ داری سونپی جاسکتی ہے۔ ذرائع پی سی بی کے مطابق شارٹ لسٹ میں لوکل کوچزبھی شامل ہیں جب کہ پی سی بی کی مینٹورزپربھی نظریں ہیں، لوکل کوچز سے معاملات حل ہوگئے تو ان میں سے بھی ہیڈ کوچ لگایا جاسکتا ہے۔