ہمیں افسوس ہےکہ،،،،، بھارتی بلائنڈ کرکٹ ایسوسی ایشن کا خط آگیا

نیودہلی(سپورٹس ڈیسک) بھارتی بلائنڈ کرکٹ ایسوسی ایشن نے ورلڈ بلائنڈ کرکٹ کو عدم شرکت سے متعلق خط لکھ دیا۔ خط میں آگاہ کیا گیا ہےکہ ہمیں افسوس ہےکہ بھارتی بلائنڈ ٹیم بلائنڈ ٹی ٹوئنٹی ورلڈ کپ میں شرکت نہیں کرے گی۔ خط میں شرکت نہ کرنے کی وجہ بتاتےہوئےلکھا گیا ہےکہ بھارتی حکومت نےپاکستان میں ہونے والے بلائنڈ ٹی 20 ورلڈ کپ میں شرکت کی کلیئرنس نہیں دی۔

بھارتی بلائنڈ کرکٹ ایسوسی ایشن کا کہنا ہے کہ ہم نے ٹورنامنٹ کےلیےتمام تیاریاں مکمل کر رکھی تھیں، ہماری نیک خواہشات منتظمین کے ساتھ ہیں۔ واضح رہے کہ بلائنڈ ٹی ٹوئنٹی ورلڈ کپ 23 نومبر سے لاہور میں شروع ہو رہا ہے۔