ٹیم میں اختلافات ہیں یا نہیں؟ کپتان محمد رضوان نے ایسا بیان داغ دیا کہ سب دنگ رہ گئے

بولینڈ پارک(سپورٹس ڈیسک) ٹیم میں اختلافات ہیں یا نہیں؟ قومی کرکٹ ٹیم کے کپتان محمد رضوان نے جنوبی افریقہ کیخلاف ون ڈے سیریز سے قبل ایسا بیان داغ دیا کہ سب دنگ رہ گئے ۔

تفصیلات کے مطابق ون ڈے سیریز کے آغاز سے قبل پاکستان کرکٹ ٹیم کے کپتان محمد رضوان نے کہا کہ جو ماضی کی ناکامی ہوتی ہے اس کو ماضی میں رکھتے ہیں مگر اس سے سبق سیکھتے ہیں۔انہوں نے کہا کہ ٹیم میں تمام پلیئر کپتان ہی ہیں، ٹیم میں "میں” کا لفظ نہیں، "ہم” کا لفظ ہوتا ہے۔انہوں نے مزید کہا کہ ٹیم ورک بہترین ہے، ہم سب متحد ہیں، جونیئر ہو یا سینئر سب کا فوکس ٹیم کی جیت پر ہے، کنڈیشنز دیکھ کر ٹیم بنانے کی کوشش کرتے ہیں ، ہر جگہ الگ کنڈیشن میں کھیل رہے ہیں۔ محمد رضوان کا کہنا تھا کہ ملک سے باہر کھیلنے میں ہمیشہ چیلنج کا سامنا کرنا پڑتا ہے، جنوبی افریقا کو مومینٹم ملا ہوا ہے، وہ بھی جیت کر آرہے ہیں، ہم نے بھی آسٹریلیا میں آسٹریلیا کو ہرایا، زمبابوے میں بھی سیریز جیتی،ون ڈے سیریز میں اچھا مقابلہ ہوگا۔ رضوان کا کہنا تھا کہ ٹی ٹوئنٹی میں ہم نوجوان پلیئرز کو موقع دے کر تجربات کر رہے ہیں جبکہ ون ڈے سیریز میں ہم چیمپئنز ٹرافی کی تیاری ذہن میں رکھ کر میدان میں اتریں گے۔ محمد رضوان نے کہا کہ ٹی ٹوئنٹی سیریز میں نتائج توقعات کے مطابق نہیں تھے، ون ڈے میں ہمارا اچھا ردھم ہے اس کو برقرار رکھنے کی کوشش کریں گے۔