لاہور(سپورٹس ڈیسک) پاکستان سپر لیگ میں شامل کی جانے والی 2نئی ٹیموں کے ناموں سے متعلق افواہوں پر پاکستان کرکٹ بور ڈ(پی سی بی) نے اس کے متعلق سچائی سے پردہ اٹھا دیا ہے۔
تفصیلات کے مطابق میڈیا رپورٹس میں دعوی کیا گیا تھا کہ پی ایس ایل 11 میں 2 نئی ٹیموں کیلئے فیصل آباد اور گلگت کے ناموں پر ممکنہ طور پر اتفاق ہونیکا امکان ہے تاہم پاکستان کرکٹ بورڈ (پی سی بی) نے میڈیا میں گردش کرنے والی ان خبروں کی تردید کر دی ہے جن میں دعوی کیا گیا تھا کہ ایچ بی ایل پی ایس ایل کی دو نئی فرنچائزز کے نام فائنل کر لیے گئے ہیں۔
پی سی بی کا کہنا ہے کہ پی ایس ایل کی 2 نئی ٹیموں کے شہروں کے ناموں کا حتمی فیصلہ نہیں ہوا، ٹیموں کی بڈنگ کے لیے 6 نام دیے ہوئے ہیں ، ان ناموں میں سے کامیاب بڈر نام منتخب کریں گے۔ پی سی بی نے واضح کیا ہے کہ مقررہ طریقہ کار کے مطابق کامیاب بولی دہندگان کو یہ حق حاصل ہوگا کہ وہ باضابطہ طور پر بولی دستاویزات میں شامل شہروں میں سے کسی بھی شہر کا نام اپنی ٹیم کے لیے منتخب کر سکیں۔
