نیند کیوں ضروری ہے اور اس کی کمی سے انسان میں کیا تبدیلیاں رونما ہوتی ہیں؟

برطانیہ(مانیٹر نگ ڈیسک) نیند کا پورا ہونا انسان کے لیے بہت ضروری ہے ۔انسان جب رات کو سوتا ہے تو اس کی سارے دن کی تھکاوٹ دور ہو جاتی ہے۔اگر انسان ایک یا دو دن تک اپنی نیند پوری نہ کرے تو اسکو خود اپنے اندر بے چینی اور ڈپریشن محسوس ہونے لگتا ہے۔ ماہرین کا کہنا ہے کہ ایسے افراد لوگوں میں گھل مل نہیں پاتے لہذا ان کے اکیلے پڑ جانے کے خطرات بڑھ جاتے ہیں۔نیند کی کمی کے نتیجے میں امراض قلب، ہارٹ اٹیک، دل کی دھڑکن کی رفتار میں بے ترتیبی، ہائی بلڈ پریشر، فالج اور ذیابیطس جیسے امراض کا خطرہ بڑھتا ہے۔