پٹھوں میں کھچاؤ کیوں ہوتا ہے ؟یہ انسان کے جسم میں کن منرلز کی کمی کی علامات ہے ؟
پٹھوں کا کھچاؤ (Muscle Cramp یا Spasm) ایک عام مگر تکلیف دہ حالت ہے جس میں پٹھے اچانک سخت ہو جاتے ہیں اور ان میں درد محسوس ہوتا ہے
لاہور(ہیلتھ ڈیسک)پٹھوں کا کھچاؤ (Muscle Cramp یا Spasm) ایک عام مگر تکلیف دہ حالت ہے جس میں پٹھے اچانک سخت ہو جاتے ہیں اور ان میں درد محسوس ہوتا ہے۔ اس کی کئی وجوہات اور علاج ہو سکتے ہیں۔
پٹھوں کے کھچاؤ کی وجوہات:
پانی کی کمی (Dehydration):
جسم میں پانی کی کمی سے پٹھے خشک اور سخت ہو سکتے ہیں۔
منرلز کی کمی:
خاص طور پر پوٹاشیم، کیلشیم اور میگنیشیم کی کمی پٹھوں کے کھچا کا سبب بن سکتی ہے۔
زیادہ جسمانی مشقت یا ورزش:
خاص طور پر بغیر وارم اپ کیے ورزش کرنے سے پٹھے کھچ سکتے ہیں۔
زیادہ دیر تک ایک ہی پوزیشن میں بیٹھنا یا کھڑا رہنا:
خون کی روانی متاثر ہوتی ہے جس سے پٹھے متاثر ہو سکتے ہیں۔
نروس سسٹم کی بیماریاں یا شوگر:
ان امراض میں بھی پٹھوں میں کھچا کی شکایت ہو سکتی ہے۔
علاج اور احتیاطی تدابیر:
نرمی سے مساج کریں:
کھچے ہوئے پٹھے کو آہستہ آہستہ مالش کریں تاکہ خون کی روانی بہتر ہو۔
گرم یا ٹھنڈی پٹی کا استعمال:
گرم پانی کی بوتل یا برف کی تھیلی سے سکائی کریں۔
پانی اور نمکیات کا استعمال:
روزانہ مناسب مقدار میں پانی پینا اور پوٹاشیم، میگنیشیم والی غذائیں (کیلا، ناریل پانی، پالک، دہی) لینا مفید ہے۔
ورزش سے پہلے وارم اپ کریں:
اسٹریچنگ اور ہلکی پھلکی ورزش کریں تاکہ پٹھے تیار ہو جائیں۔
اگر کھچا ؤاکثر ہو یا رات کو سوتے وقت ہو تو کسی معالج سے مشورہ لینا ضروری ہے۔
