جنوبی فلپائن میں گر کر تباہ ہونے والا طیارہ کس ملک کا تھا؟ نام اور تفصیل سامنے آگئی

منیلا(مانیٹرنگ ڈیسک) جنوبی فلپائن میں گر کر تباہ ہونے والا طیارہ کس ملک کا تھا؟ اس حوالے سے نام اور تفصیل سامنے آنے کے بعد سب دنگ رہ گئے جبکہ حادثہ میں 4افراد ہلاک ہوئے ہیں۔

انٹرنیشنل میڈیا کے مطابق فلپائن میں امریکی سفارت خانے کی جانب سے کہا گیا کہ گرنے والے طیارے کا تعلق امریکی فوج سے تھا۔ امریکی سفارت خانے کے مطابق حادثے کا شکار طیارہ کنٹریکٹ پر امریکی فوج کے زیر استعمال تھا۔ انٹرنیشنل میڈیا کے مطابق امریکی سفارت خانے نے طیارہ حادثے سے متعلق مزید معلومات نہیں دیں تاہم سفارتخانے کی جانب سے کہا گیا ہے کہ امریکی فوج کی انڈو پیسیفک کمانڈ اس حوالے سے مزید تفصیلات جاری کرے گی۔ دوسری جانب فلپائن کے حکام کی جانب سے کہا گیا ہے کہ طیارہ گرنے کی وجہ تاحال معلوم نہیں ہو سکی۔ مقامی حکام کے مطابق طیارہ گرنے سے کھیت میں موجود ایک بھینس بھی ہلاک ہوگئی۔