سلمان اکرم راجہ نے پی ٹی آئی کے عہدے سے استعفیٰ کیوں دیا؟ اصل کہانی سامنے آگئی

اسلام آباد(کھوج نیوز) پاکستان تحریک انصاف کے جنرل سیکرٹری سلمان اکرم راجہ نے اپنے عہدے سے استعفیٰ کیوں دیا ؟ اس حوالے سے اصل کہانی سامنے آنے کے بعد بڑی بحث شروع ہو گئی ہے۔

تفصیلات کے مطابق پاکستان تحریک انصاف ذرائع نے بتایا ہے کہ سلمان اکرم راجہ نے استعفیٰ ذاتی وجوہات پر دیا ہے’ سلمان اکرم راجہ نے استعفیٰ پارٹی قیادت کو بھجوادیا ہے۔ چیئرمین پی ٹی آئی بیرسٹر گوہر نے سلمان اکرم راجہ کے استعفے کی تصدیق کردی ہے۔ خیال رہے کہ بانی پی ٹی آئی عمران خان نے ستمبر میں ہی سینئر وکیل سلمان اکرم راجہ کو پارٹی کا جنرل سیکرٹری مقرر کیا تھا۔ پی ٹی آئی کے حالیہ احتجاج میں سرگرم کردار ادا نہ کرنے پر سلمان اکرم راجہ کو سخت تنقید کا سامنا تھا۔