ایک بار پھر عمران خان کی رہائی کامطالبہ

اسلام آباد (کھوج نیوز)نومنتخب امریکی صدر ڈونلڈ ٹرمپ کے نامزد خصوصی ایلچی رچرڈ گرینل نے بانی چیئرمین پاکستان تحریک انصاف کی رہائی کا مطالبہ کردیاہے۔ایک نٹر ویو میں انھوں نے کہا کہ گزشتہ ٹرمپ انتظامیہ کے اس وقت کے پاکستانی سربراہ حکومت سے بہترین تعلقات تھے۔انہوں نے کہا کہ پاکستان کی جیل میں قید رہنما بانی پی ٹی آئی، امریکی نومنتخب صدر ڈونلڈ ٹرمپ کی طرح سیاست میں آؤٹ سائیڈر تھے۔نامزد ایلچی نے مزید کہا کہ ڈونلڈ ٹرمپ کی انتظامیہ چاہتی ہے کہ سابق وزیراعظم اور بانی پی ٹی آئی کو رہا کیا جائے، ان پر ویسے ہی الزامات ہیں، جیسے ٹرمپ پر تھے۔

رچرڈ گرینل کامزید کہنا تھا کہ ڈونلڈ ٹرمپ کے نامزد وزیر خارجہ مارکو روبیو نے پاکستان کے میزائل پروگرام پر بات کرنے کی تیاری کی ہوئی ہے۔انہوں نے کہا کہ ایٹمی صلاحیت کے حامل ملکوں سے مختلف انداز میں ڈیل کیا جاتا ہے۔ بائیڈن انتظامیہ جو کام 4 سال میں کرنے میں ناکام رہی وہ آخری 45 دن میں کرنے کی کوشش کر رہی ہے۔