مریم نواز کی ترکیہ کے قونصل جنرل سے اہم ملاقات

لاہور(کھوج نیوز) وزیراعلی پنجاب مریم نواز شریف سے ترکیہ کے قونصل جنرل درمش بستاغ کی ملاقات ہوئی ہے ۔پاکستان اور ترکیہ کے درمیان دوطرفہ تعلقات کو مزید مضبوط بنانے پر اتفاق ہوا ہے ۔اس کے علاوہ تجارت، تعلیم، صحت، زراعت، اور سیاحت کے شعبوں میں تعاون کو فروغ دینے کے لیے اقدامات پر تبادلہ خیال کیا ہے۔

وزیراعلی مریم نواز نے ترکیہ کو پاکستان کا عظیم دوست اور بھائی قرار دیا ہے اورمریم نواز نے کہا کہ ترکیہ کی عوام نے ہمیشہ مشکل وقت میں پاکستان کا ساتھ دیا ہے ہم ان کے شکرگزار ہیں۔ پنجاب حکومت ترکیہ کے سرمایہ کاروں کو ہر ممکن سہولت فراہم کرے گی-ترکیہ بزنس کمیونٹی کے لیے ون ونڈو آپریشن کو مزید فعال بنایا جائے گا۔ درمش بستاغ نے وزیراعلی مریم نواز کی قیادت میں جاری عوامی فلاح کے منصوبوں کو سراہا ترکیہ پاکستان کے ساتھ تعلقات کو انتہائی اہمیت دیتا ہے-درمش بستاغ نے کہا کہ ہم پنجاب کے ساتھ مختلف شعبوں میں تعاون کو مزید وسعت دینے کے لیے تیار ہے۔