نوازشریف ایک بار پھر سیاسی میدان میں متحرک، بڑی منصوبہ بندی کر لی گئی

لاہور(کھوج نیوز) مسلم لیگ ن کے صدر و سابق وزیراعظم میاں نوازشریف ایک بار پھر سیاسی میدان میں متحرک ہو گئے ہیں ، کیا کرنے کی منصوبہ بندی کی گئی؟ تفصیلات سامنے آگئیں۔

تفصیلات کے مطابق مسلم لیگ ن کے صدر میاں نواز شریف سیاسی میدان میں متحرک ہوگئے اور پارٹی رہنماؤں سے اہم ملاقاتیں کی ہیں۔ ذرائع نے بتایا ہے کہ مسلم لیگ ن کے صدر میاں محمد نواز شریف سے ماڈل ٹان میں پارٹی کے سیکرٹری جنرل احسن اقبال، انجینئر امیر مقام، انوشہ رحمن، کیپٹن ریٹائرڈ صفدر نے ملاقاتیں کیں۔

ذرائع کے مطابق ملاقاتوں میں مسلم لیگ کے صوبائی سطح کے پارٹی معاملات پر مشاورت کی گئی، اس موقع پر میاں نواز شریف نے نارووال کے کامیاب جلسے کو سراہا۔ ذرائع کے مطابق احسن اقبال نے اہم پارٹی امور پر میاں نواز شریف کو بریفنگ دی، اس موقع پر عید کے بعد مسلم لیگ ن کے زیر اہتمام مختلف شہروں میں مزید جلسوں پر مشاورت کی گئی۔ میاں نواز شریف نے پارٹی کو فعال کرنے کے لیے عوامی رابطہ مہم تیز کرنے کی ہدایت کرتے ہوئے کہا کہ مسلم لیگ ن کی ایک سالہ کارکردگی کو عوام کے سامنے رکھا جائے۔