عمران خان نے اپنی بہنوں کی چھٹی کروا دی؟

راولپنڈی (کھوج نیوز) پاکستان تحریک انصاف کے بانی عمران خان نے اپنی بہنوں کی چھٹی کروا دی ہے ؟ اس حوالے سے تمام تر تفصیلات سامنے آنے کے بعد سب دنگ رہ گئے ہیں۔

تفصیلات کے مطابق پی ٹی آئی کی جاری فہرست میں شامل صرف بیرسٹرگوہر اور سلمان صفدر کو ملاقات کی اجازت ملی۔ بانی پی ٹی آئی کی بہن علیمہ خان کو بھی اڈیالا جیل میں بانی پی ٹی آئی سے ملاقات کی اجازت نہیں ملی۔ پی ٹی آئی کے سیکرٹری جنرل سلمان اکرم راجا کی جاری کردہ فہرست کے برخلاف فیصل چوہدری سمیت 4 دیگر لوگ بھی بانی سے مل آئے، فیصل چوہدری کے ساتھ علی عمران، رائے سلمان اور مبشر مقصود نامی افراد نے بھی بانی سے ملاقات کی۔

بیرسٹر گوہر نے کہاکہ بانی نے پارٹی لیڈرز کو ایک دوسرے کیخلاف بات کرنے منع کیا ہے، انہوں نے کسی کو مذاکرات کا اختیار نہیں دیا اور نہ ہی کسی کو ڈیل کے لیے دباؤ ڈالا ہے۔ ان کا کہنا تھاکہ فیملی کی ملاقات نہ کرائے جانے پر توہین عدالت کی درخواست دائر کریں گے۔ فیصل چوہدری نے کہاکہ بشری بی بی کی بھی بانی سے ملاقات نہیں ہورہی تھی میں نے کروادی ہے۔