ارشد چائے والا کون؟ نادرا کا چونکا دینے والا انکشاف، سب حیران

اسلام آباد(کھوج نیوز) ارشد خان عرف چائے والا کون ہے؟ شہریت کیسے حاصل کی؟ نیشنل ڈیٹا بیس اینڈ رجسٹریشن (نادرا) کے چونکا دینے والے انکشاف نے سب کو حیران کر دیا ہے۔

تفصیلات کے مطابق نیشنل ڈیٹا بیس اینڈ رجسٹریشن اتھارٹی (نادرا) نے انکشاف کرتے ہوئے بتایا ہے کہ ارشد چائے والا کی شہریت کے حوالے سے سنگین شکوک پائے گئے اس کی شناخت مشتبہ بن گئی ہے، ارشد چائے والا کے ذاتی ریکارڈ میں متعدد تضادات پائے گئے ہیں۔ نادرا کے بیان میں یہ بھی بتایا گیا ہے کہ ارشد خان کے ذاتی ریکارڈ میں متعدد تضادات پائے گئے ہیںجبکہ ان کے نام کی تبدیلی اور خاندانی رجسٹریشن میں بے ضابطگیاں بھی سامنے آئیں جس سے ان کی شناخت مزید مشتبہ بن گئی ہے۔نادرا حکام کا مزید کہنا تھا کہ سال 2024 میں بھی ارشد خان مطلوبہ اور لازمی دستاویزات پیش کرنے میں ناکام رہے۔ نادرا کے مطابق وہ زمین کی ملکیت، ڈومیسائل، اور 1979 سے پہلے کا تعلیمی ریکارڈ فراہم نہیں کر سکے۔ جو شہریت کی تصدیق کیلئے بنیادی تقاضے ہیں۔

نادرا حکام کے مطابق ارشد خان کی شہریت کے حوالے سے سنگین شکوک پائے گئے ہیں اور ممکنہ طور پر وہ غیر ملکی شہری ہو سکتے ہیں۔ تحقیقات کے دوران ارشد خان (عرف چائے والاکو) نادرا آرڈیننس 2000 کے تحت قانونی نوٹسز بھی جاری کئے گئے تاہم وہ کئی سالوں تک تصدیقی بورڈ کے سامنے پیش نہ ہوئے۔ نادراحکام کا کہنا ہے کہ معاملے کی مزید تحقیقات جاری ہیں اور تمام شواہد کی روشنی میں ارشد خان کی شہریت کے متعلق حتمی فیصلہ کیا جائے گا۔