سنی اتحاد کونسل کو کھڈے لائن لگانے کی تیاری مکمل

اسلام آباد(کھوج نیوز) سپیکر پنجاب اسمبلی ملک احمد خان نے الیکشن کمیشن حکام سے ملاقات میں سنی اتحاد کونسل جماعت کے 26ارکان کو کھڈے لائن لگانے کی تیاری مکمل کرلی ہے۔

تفصیلات کے مطابق اسپیکر پنجاب اسمبلی نے بتایا کہ26 ارکان کے خلاف نااہلی ریفرنس پہلے ہی دائر ہوچکا ہے، آج الیکشن کمیشن حکام سے کچھ اہم قانونی معاملات پر رائے لینا تھی۔ ملک احمد خان نے مزیدکہا کہ آئین کی خلاف ورزی کسی صورت برداشت نہیں کی جائیگی، جو ارکان آئین کی پاسداری نہیں کرسکتے ان کو ہاؤس کا حصہ رہنے کاکوئی حق نہیں۔ اسپیکر پنجاب اسمبلی کا کہنا تھا کہ جو لوگ گالیاں دیں گے، توڑ پھوڑ اور ہلڑ بازی کریں گے وہ کسی رعایت کے مستحق نہیں، پی ٹی آئی والوں نے فارم 47 کا تماشہ لگایا ہوا ہے۔