ریاض (مانیٹرنگ ڈیسک) پاکستان اور سعودی عرب کے درمیان بڑا معاہدہ طے پا گیا ہے، دونوں ممالک کے درمیان کونسا معاہدہ طے پایا؟ اس حوالے سے تمام ترتفصیلات منظر عام پرآگئی ہیں۔
تفصیلات کے مطابق وزیراعظم شہباز شریف اور سعودی ولی عہد محمد بن سلمان کی ملاقات ہوئی جس کا مشترکہ اعلامیہ جاری کردیا گیا۔ دفترخارجہ کے مطابق پاکستان اور سعودی عرب نے اقتصادی تعاون کا فریم ورک لانچ کرنیکا اعلان کیا ہے۔ دفترخارجہ کے مطابق دونوں ممالک کے درمیان تاریخی شراکت داری کو مزید مضبوط بنانے پر اتفاق ہوا ہے۔
دفترخارجہ کا کہنا ہے کہ فریم ورک کے تحت اقتصادی، تجارتی، سرمایہ کاری اور ترقیاتی منصوبوں پربات چیت ہوگی۔ توانائی،صنعت،کان کنی،آئی ٹی، سیاحت، زراعت اور فوڈ سکیورٹی ترجیحی شعبے قرار دیئے گئے ہیں۔ دفتر خارجہ کے مطابق دونوں ممالک کے درمیان بجلی کی ترسیل کے منصوبے پر مفاہمتی یادداشت پر دستخط کی تیاری جاری ہے۔ توانائی کے شعبے میں تعاون کے لیے مفاہمتی یادداشت پر بھی کام جاری ہے۔
