اسلام آباد(کھوج نیوز) پاکستان نے گذشتہ 3ماہ کے دوران کتنے کروڑ ڈالرز کے موبائل فون درآمد کیے؟ اس حوالے سے دستاویزی رپورٹ سامنے آنے کے بعد سب دنگ رہ گئے ہیں۔
تفصیلات کے مطابق دستاویز کے مطابق اگست2025ء میں موبائل فونز کی درآمدات 15کروڑ52 لاکھ ڈالرز تھیں جب کہ جولائی2025ء میں موبائل فونزکی درآمدات کاحجم14 کروڑ 53 لاکھ ڈالرز رہا تھا۔دستاویز کے مطابق جولائی تاستمبر2025ء میں موبائل فونزکی درآمد50 کروڑ ڈالرز رہی جب کہ گزشتہ سال اسی مدت میں موبائل فونز کی درآمدات 24کروڑ 62 لاکھ ڈالرز تھیں۔
دستاویز میں مزید بتایا گیا ہے کہ ستمبر2025ء میں پاکستان نے19 کروڑ 95 لاکھ ڈالرزکے موبائل فونز درآمد کیے جب کہ ستمبر2024ء میں موبائل فونزکی درآمدات کا حجم 10کروڑ26 لاکھ ڈالرز تھا۔ دستاویز کے مطابق رواں مالی سال کی پہلی سہ ماہی میں موبائل فونزکی درآمدات میں103 فیصد اور ماہانہ بنیادوں پر ستمبر2025ء میں28.58 فیصد اضافہ ریکارڈ کیا گیا۔ دستاویز میں بتایا گیا ہے کہ ستمبر2025ء میں سالانہ بنیادوں پرموبائل فونزکی درآمد94.48 فیصد بڑھی۔
