کراچی میں بھتہ خوری کیسز میں کمی آئی یا اضافہ؟ آئی جی سندھ نے بڑا دعویٰ کر دیا

کراچی (کھوج نیوز) شہر قائد کراچی میں بھتہ خوری کیسز میں کمی آئی یا اضافہ ہوا؟ اس حوالے سے آئی جی سندھ غلام نبی میمن نے بڑا دعویٰ کر کے سب کو حیران و پریشان کر دیا ہے۔

تفصیلات کے مطابق آئی جی سندھ غلام نبی میمن کا کہنا تھا کہ کراچی میں بھتہ خوری کے بہت کیسز رپورٹ ہوتے تھے، بھتہ خوری سے نمٹنے کے لیے بنائے گئے یونٹ سی آئی اے کی کارروائیوں سے کیسز نہ ہونے کے برابر رہ گئے ہیں۔

غلام نبی میمن کا کہنا تھا کہ منشیات فروشوں کی ضمانت میں پولیس کے کردار کا بھی جائزہ لے رہے ہیں۔ انہوں نے کہا کہ پولیس بھتہ خوری کے واقعات میں ترجیحی بنیاد پر کارروائی کرتی ہے، متعدد بھتہ خور مقابلوں میں مارے گئے یا پکڑے گئے۔ آئی جی سندھ نے بتایا کہ رواں برس رپورٹ ہونے والے 140 کے قریب بھتہ خوری کے واقعات میں سے آدھے سے زیادہ کیسز بھتے کے نہیں بلکہ آپسی لین دین کے تھے۔