حکومت ان ایکشن، چینی کے تمام ذخیرہ قبضہ میں لے لیا

اسلام آباد(کھوج نیوز) ملک بھر میں بڑھتے ہوئے چینی بحران پر قابو پانے کے لئے حکومت ایکشن میں آگئی ہے اور حکومت نے چینی کے تمام ذخیرہ اپنے قبضہ میں لے لیا ہے۔

تفصیلات کے مطابق وزارت فوڈ حکام کا کہنا ہے کہ وفاقی حکومت نے ملک بھر میں موجود چینی کا تمام ذخیرہ اپنے کنٹرول میں لے لیا۔ حکام کے مطابق وفاقی حکومت کے ایکشن کے بعد 19 لاکھ میٹرک ٹن چینی شوگر ملز کے بجائے حکومتی کنٹرول میں چلی گئی۔ حکام نے بتایاکہ 18 شوگر ملز کے مالکان کے نام بھی ای سی ایل میں ڈال دیے گئے اور ای سی ایل میں ڈالیگئے نام چند دنوں میں جاری کردیے جائیں گے۔ حکام کا کہنا ہے کہ یہ فیصلہ چینی کی مصنوعی قلت اور قیمتیں مزید بڑھنے کے خدشے کے پیش نظرکیا گیا۔