کراچی (سپورٹس ڈیسک) پاکستان سپر لیگ (پی ایس ایل) کے نئے ایڈیشن کیلئے شائقین کرکٹ کیلئے بڑی خوشخبری سنا دی گئی ہے جس میں 2نئی فرنچائز کے لئے آکشن کا اعلان کر دیا گیا ہے۔
تفصیلات کے مطابق پاکستان سپر لیگ کے سی ای او سلمان نصیر کا کہنا تھا کہ جب لیگ شروع ہوئی تولوگ کم دلچسپی لے رہے تھے لیکن 5 پارٹیوں نے ہم پر اعتماد کیا اور ٹیمیں خریدیں۔سلمان نصیر کا کہنا تھا کہ پی ایس ایل کی 2 نئی فرنچائز کیلئے آکشن ہوگا، بڈ کرنے والی پارٹیوں کو شہروں کے نام کا پول دیا جائیگا جس سے وہ ایک ٹیم منتخب کریں گے۔ ان کا مزید کہنا تھا کہ اگلے دو سال کے لئے ایچ بی ایل پی ایس لیگ کا اسپانسر ہوگا، ایچ بی ایل نے اس ویلیو پرمعاہدہ کیا ہے جو آزاد ویلیو ایشین کے تحت لگائی گئی اور پچھلے معاہدے سے اس معاہدے میں 505 فیصد اضافہ ہوا ہے۔ انہوں نے کہا کہ لوگوں نے بدنام کرنیکی کوششیں کیں لیکن یہ لیگ آگے بڑھتی رہی، 10 سال میں پی ایس ایل کے تمام معاہدے ختم ہوئے اور ہم نے طے کیا تھا کہ دسویں ایڈیشن کے بعد اس کی دوبارہ ویلیو ایشن کریں گے۔
