کوراسائو (سپورٹس ڈیسک) کیربیئن آئی لینڈ کوراساؤ اگلے سال ہونے والے فیفا ورلڈ کپ کے لیے کوالیفائی کرنے والا دنیا کا سب سے چھوٹا ملک بن گیا اور نئی تاریخ رقم کر دی ہے۔
انٹرنیشنل میڈیا کے مطابق ایک لاکھ 56 ہزار افراد پر مشتمل کیربیئن آئی لینڈ کوراساؤ آبادی کے لحاظ سے فٹبال کھیلنے والا سب سے چھوٹا ملک ہے۔ کوراساؤ نے اگلے برس ہونے والے ورلڈ کپ میں کوالیفائی کرکے کھیل کی نئی تاریخ رقم کردی۔ اس سے پہلے یہ اعزاز ساڑھے 3 لاکھ آبادی والے ملک آئس لینڈ کے پاس تھا۔ ورلڈکپ کوالیفائرز میں کوراساؤ کا مقابلہ جمیکا سے تھا جس میں جمیکا کو میگا ایونٹ کیلئے کوالیفائی کرنے کیلئے جیت کی ضرورت تھی لیکن مقابلہ بغیر کسی گول کے برابر رہنے کی وجہ سے کوراساؤ نے اگلے برس ورلڈ کپ کیلئے پہلی بار ٹکٹ کٹوالیا اور آبادی کے لحاظ سے ورلڈکپ میں کوالیفائی کرنے والا سب سے چھوٹا ملک بن گیا۔
