کوئٹہ (سپورٹس ڈیسک) پاکستان کے معروف و مشہور سٹنٹ مین سلطان گولڈن نے مزید دو عالمی ریکارڈ توڑ ڈالے ہیں، یہ ریکارڈ کونسے ہیں؟ اس حوالے سے تمام تر تفصیلات سامنے آگئی ہیں۔
تفصیلات کے مطابق پاکستان کے معروف سٹنٹ مین سلطان گولڈن نے 2022ء کے تیز ترین ریورس ڈرائیو کا عالمی ریکارڈ توڑ دیا، سلطان گولڈن نے تیز ترین ریورس ڈرائیو میں ایک میل کا فاصلہ 57 سیکنڈز میں طے کیا۔ اس سے قبل تیزترین ریورس ڈرائیو کا ریکارڈ امریکی اسٹنٹ مین نے 2022 میں قائم کیا تھا جس نے مقررہ فاصلہ ایک منٹ15 سیکنڈز میں طے کیا تھا۔
ضلع پشین سے تعلق رکھنے والے پاکستان کے مایہ ناز اسٹنٹ مین سلطان گولڈن نے ڈی ایچ اے کوئٹہ میں منعقدہ تقریب میں ریورس ڈرائیو جمپ کا ریکارڈ بھی قائم کیا۔ سلطان محمد گولڈن نے طویل فاصلے کی ریورس ڈرائیو میں ریمپ جمپ کامیابی سے مکمل کی جس پر شائقین کا دوسرا ورلڈ ریکارڈ قائم کرنے پر ان کو زبردست خراج تحسین پیش کیا۔ سلطان گولڈن نے دور مقام سے ریورس ریمپ جمپ میں 121.72 فٹ فاصلے کا جمپ کیا، دور مقام سے ریورس ریمپ جمپ کا سابقہ عالمی ریکارڈ 89 فٹ3.25 انچ طویل تھا۔ وزیراعلی بلوچستان سرفراز بگٹی نے دو نئے عالمی ریکارڈ قائم کرنے پر سلطان گولڈن کے لیے 5 کروڑ روپے انعام کا اعلان کیا ہے۔
