ہوشیار خبردار …… ٹک ٹاک پر ایک سال کے لئے پابندی کا اعلان

تیرانا(مانیٹرنگ ڈیسک) ہوشیار خبردار …… ٹک ٹاک پر ایک سال کے لئے پابندی کا اعلان ‘ البانیہ کی حکومت نے معروف سوشل میڈیا پلیٹ فارم ٹک ٹاک پر پابندی لگانے کا اعلان کیا ہے۔

انٹرنیشنل میڈیا کے مطابق البانیہ کی حکومت نے اپنے ملک میں ایک نوجوان کے قتل کے بعد معروف سوشل میڈیا پلیٹ فارم ٹک ٹاک پر ایک سال کے لیے پابندی لگانے کا فیصلہ کیا ہے۔ رپورٹ کے مطابق البانیہ میں گزشتہ ماہ ایک طالب علم نے اپنے ساتھی کو چاقو (خنجر) کے وار سے قتل کیا تھا اور اس جھگڑے کا آغاز سوشل میڈیا پلیٹ فارم ٹک ٹاک پر ہونے والی بحث سے ہوا تھا۔ غیر ملکی میڈیا کے مطابق اس واقعے کے بعد حکام نے والدین اور اساتذہ کے ساتھ 1300 میٹنگز کی جس کے بعد یہ ٹک ٹاک کو بند کرنے کا فیصلہ کیا گیا۔