انٹرنیٹ صارفین کے لیے خوشخبری ، پاکستان میں انٹرنیٹ سست روی کا مسئلہ ختم

اسلام آباد(کھوج نیوز )وزیر مملکت برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ نے تصدیق ک ہے کہ ایلون مسک کی سیٹلائٹ پر مبنی انٹرنیٹ فراہم کرنے والی کمپنی اسٹار لنک سیکیورٹی ایکسچینج کمیشن آف پاکستان (ایس ای سی پی) میں رجسٹرڈ ہو گئی ہے۔ وزیر مملکت نے کہا کہ اسٹار لنک کی رجسٹریشن کے بعد خلائی بورڈ اتھارٹی مختلف تکنیکی پہلوں پر غور کر رہی ہے اور اس حوالے سے اسٹار لنک کو بھی مطلع کر دیا گیا ہے۔

وزیر انفارمیشن ٹیکنالوجی نے مزید کہا کہ ایک ریگولیٹری نظام پر کام کیا جا رہا ہے تاکہ اسٹار لنک سمیت زمینی مدار (ایل ای او) کی تمام سیٹلائٹ تمام بین الاقوامی کمپنیوں کے لئے کھلی رہیں۔انہوں نے بتایا کہ اسٹار لنک مقامی فریکوئنسیزمیں مسائل پیدا کر سکتی ہے جس کے جائزے کے لیے ایک جامع پالیسی تیار کی جارہی ہے۔