وزیراعلیٰ پنجاب مریم نواز نےپنجاب پولیس کو عوام کی حقیقی محافظ بنانےکا اعلان کردیا

لاہور(کھوج نیوز) وزیراعلیٰ پنجاب مریم نواز نے پنجاب پولیس کو عوام کی حقیقی محافظ بنانے کے عزم کا اظہار کیا ہے۔ وزیر اعلیٰ مریم نوازشریف کے پولیس کی کارکردگی میں بہتری کے لئے مثالی احکامات جاری کردئیے۔وزیراعلیٰ نے شفافیت اور عوام سے بہتر رویہ یقینی بنانے کے لئے پولیس جوانوں کو باڈی کیم سے لیس کرنے کا فیصلہ پر عملدرآمد کاآغاز کرتے ہوئے پولیس افسروں اور اہلکاروں کے سوشل میڈیا کے استعمال پر پابندی کا حکمنامہ بھی جاری کیا۔

ہوم ڈیپارٹمنٹ نے وزیر اعلیٰ مریم نوازشریف کی ہدایت پر پولیس باڈی کیم اور سوشل میڈیا پر پابندی کے احکامات جاری کر دیئے وزیر اعلیٰ مریم نوازشریف کے حکم پر پولیس آپریشن، انویسٹی گیشن اور ٹریفک ونگ کے اہلکار باڈی کیم لگائیں گے باڈی کیم سے لیس کرنے پر پولیس اہلکاروں کی رئیل ٹائم مانیٹرنگ بھی ممکن ہوگی پولیس اہلکاروں کے لئے باڈی کیم کی فراہمی کے لئے اقدامات شروع کردئیے گئے ہیں۔ مریم نواز کا کہنا تھا کہ

پولیس افسروں اور اہلکاروں کے سوشل میڈیا استعمال کرنے سے سروس ڈلیوری متاثر ہورہی ہے ،پولیس افسران کو سوشل میڈیا کی بجائے پروفیشنل ازم پر فوکس کرنے کی ہدایت کی جاتی ہے،وزیراعلیٰ مریم نواز نے کہا کہ عوام کے جان ومال کا تحفظ اولین ترجیح ہے، کوتاہی برادشت نہیںکی جائے گی ۔ باڈی کیم لگانے کا مقصد پولیس کے رویہ میں بہتری اور مانیٹرنگ یقینی بنانا ہے۔ مریم نواز کی ہدایت کی روشنی میں ہوم سیکرٹری نورالامین مینگل نے آئی جی پنجاب پولیس ڈاکٹر عثمان انور کو مراسلے جاری کر دیئے