اپوزیشن بینچ پر بیٹھنے کی سزا، نوازشریف نے عادل بازئی کو ڈی سیٹ کروا دیا

اسلام آباد(کھوج نیوز) مسلم لیگ ن کے رکن اسمبلی عادل بازئی کو اپوزیشن بینچ پر بیٹھنے پر سابق وزیراعظم نوازشریف نے ان کو الیکشن کمیشن میں درخواست دے کر ڈی سیٹ کروا دیا ہے۔

تفصیلا ت کے مطابق عادل خان حکومتی بینچز سے اٹھ کر اپوزیشن بینچز پر بیٹھ گئے تھے۔ عادل خان بازئی بطور آزاد امیدوار قومی اسمبلی حلقہ 262 سے قومی اسمبلی کے رکن منتخب ہوئے تھے۔ عادل بازئی عام انتخابات میں آزاد امیدوار منتخب ہونے کے بعد ن لیگ میں شامل ہوئے تھے۔ آئین کے آرٹیکل 63 اے کے تحت عادل خان بازئی کی نشست خالی قرار دینے کی درخواست دی گئی تھی، عادل خان بازئی کی نااہلی کا ریفرنس پارٹی صدر نواز شریف نے اسپیکر کو بھجوایا تھا۔ عادل بازئی نے بجٹ سیشن کے دوران پارٹی ہدایت کی خلاف ورزی کی تھی۔ الیکشن کمیشن نے این اے 262 ون کی نشت کو خالی قرار دیتے ہوئے کہا کہ عادل بازئی نے 26 ویں ترامیم پر ووٹ نہیں دیا اور پارٹی پالیسی کی خلاف ورزی کی، مروجہ قوانین کے مطابق تمام ممبران پارٹی گائیڈ لائنز پر عمل کرنے کے پابند ہیں۔