سٹاک ایکسچینج میں آج کا دن کیسا رہا؟ تمام ریکارڈ ٹوٹ گئے

کراچی (کھوج نیوز) پاکستان سٹاک ایکسچینج میں آج کا دن کیسا رہا؟ اس حوالے سے تمام تر تفصیلات سامنے آنے کے بعد سابقہ تمام ریکارڈ ٹوٹ گئے ہیں، اور کئی بروکرز بھی الٹ گئے ہیں۔

تفصیلات کے مطابق کاروباری ہفتے کے چوتھے روز کاروبار کے آغاز پر انڈیکس میں زبردست تیزی دیکھنے میں آئی۔ اسٹاک ایکسچینج میں کاروبار کے اختتام پر 100 انڈیکس 2285 پوائنٹس اضافے سے ایک لاکھ 38 ہزار 665 پوائنٹس کی ریکارڈ بلندی پر بند ہوا جبکہ کاروباری دن میں 100 انڈیکس نے اپنی بلند ترین سطح ایک لاکھ 38 ہزار 943 بنائی۔ آج بازار میں 78 کروڑ شیئرز کے سودے 39.75 ارب روپے میں طے ہوئے جبکہ مارکیٹ کیپٹلائزیشن 204 ارب روپے بڑھ کر 16617 ارب روپے ہوگئی۔