اسلام آباد(کھوج نیوز) افغان طالبان کی درخواست پر پاکستان کی جانب سے سیز فائر کا فیصلہ کیا گیا ہے، افغان طالبان رجیم کی جانب سے جنگ بندی کی درخواست کی گئی تھی۔
تفصیلات کے مطابق وزارت خارجہ نے بتایا ہے کہ افغان طالبان رجیم کی جانب سے جنگ بندی کی درخواست کی گئی تھی۔ وزارت خارجہ کے مطابق افغان طالبان کی درخواست پر آج شام 6 بجے سے اگلے 48 گھنٹوں کے لیے عارضی سیزفائرکا فیصلہ کیا گیا، ذرائع کے مطابق سیز فائر کا آغاز ہوگیا ہے۔ وزارت خارجہ کا کہنا ہے کہ دو طرفہ تعمیری بات چیت سے مسئلے کا مثبت حل تلاش کرنے کی کوشش کریں گے۔ ذرائع کے مطابق پاکستان کی جانب سے نمائندہ خصوصی برائے افغانستان محمد صادق اور افغانستان کی جانب سے ممکنہ طور پر افغان وزیر خارجہ مذکرات کریں گے۔
