پنجاب حکومت کا دیہی مراکز صحت کے حوالے سے بڑا فیصلہ

لاہور(کھوج نیوز) پنجاب حکومت نے دیہی مراکز صحت کے حوالے سے بڑا فیصلہ کرلیا ہے اور اس حوالے سے وزیراعلیٰ پنجاب مریم نواز کو اس کے متعلق بریفنگ بھی دی گئی ہے۔

تفصیلات کے مطابق پنجاب بھر میں دیہی مراکز صحت کی آٹ سورسنگ کا اصولی فیصلہ کیا گیا ہے اور اس حوالے سے وزیراعلی مریم نواز کو بریفنگ دی گئی ہے۔ وزیراعلی پنجاب کو بتایا گیا کہ مراکز صحت میں بڑے اسپتالوں کے برابر طبی اور تشخیصی سہولتیں فراہم کی جائیں گی جب کہ نئے کلینک ہفتہ بھر 24گھنٹے کھلے رہیں گے۔ مریم نواز نے کہا کہ پسماندہ اور دوردراز علاقوں کو بھی جدید ترین طبی سہولتوں کی ضرورت ہے، ڈاکٹروں اور اسٹاف کی کمی پر قابو پانے کے لیے اقدامات کررہے ہیں۔